A insuficiencia venosa crónica (IVC) é unha condición que ocorre cando as válvulas venosas das pernas non están a funcionar con eficacia ou cando hai unha obstrución da drenaxe venoso polo que é difícil que o sangue regrese ao corazón facendo que o sangue se acumule nas veas (estasis).

Basicamente é unha situación de dificultade para o retorno venoso, independentemente da postura e da actividade.

A prevalencia está entre o 50 e o 70% (mulleres 63-64%, e homes do 36-37%).

Existe un notable incremento de prevalencia de signos e síntomas de IVC polo envellecemento da poboación.

Estadios da IVC

Estadio 1. Aumento do relevo e maior coloración nas veas, aparecen varices. O paciente non adoita presentar molestias.

Estadio 2. Dor intensa, pesadez ou cambras nas pernas, picazón e hormigueo, dor que empeora ao pararse, dor que mellora ao levantar as pernas e hinchazón nelas. Normalmente estes síntomas nótanse máis en épocas de calor ou en situacións de permanencia prolongada de bipedestación e agrávase durante o embarazo. Prodúcese o edema, que se agudiza sobre todo pola tarde e que mellora co descanso nocturno. Tamén se produce dano tisular potenciando a sensación dolorosa.

Estadio 3. Manifestacións dermatolóxicas: pigmentación pardo negruzca no maleolo, alteración dos capilares, proído e atrofia na pel.

Estadio 4. Presenza de úlcera varicosa que normalmente adoita supurar tecido patolóxico. Para a súa curación aconséllase unha vendaxe compresivo forte, drenaxe e unha limpeza exhaustiva da ferida.

Síntomas

   ●  Hinchazón nas pernas e os nocellos, especialmente despois de longos períodos de pé.

   ●  Dor inespecífico e/ou cansazo nas pernas.

   ●  Varices, varículas, cambras .

   ●  Sensación de cosquilleo, calor ou frío.

   ●  Eccema / Dermatite de estasis.

   ●  Edemas no membro afecto.

   ●  Descamación ou picazón da pel nas pernas ou os pés.

   ●  Úlceras.

   ●  Cambio na coloración cutánea. É característica a coloración azul agrisada ou amarronada.

Factores de risco para a insuficiencia venosa crónica

   ●  A trombose venosa profunda (TVP)

   ●  A hipertensión venosa é determinante no desenvolvemento da IVC

   ●  As veas varicosas ou antecedentes familiares de varices

   ●  A vida sedentaria

   ●  Antecedentes familiares

   ●  Obesidade e/ou sobrepeso

   ●  Embarazo

   ●  Tabaco

   ●  Os períodos prolongados de pé ou sentado

   ●  O sexo feminino

   ●  Idade máis de 50

Cómo se diagnostica a IVC?

A valoración dende Atención primaria, debe estar encamiñada a:

   ●  Definir o tipo de enfermidade venosa

   ●  Estadio evolutivo

   ●  Descartar outras etioloxías posibles

   ●  Establecer o grao de discapacidade e de afectación na calidade de vida.

1º Anamnesis; é dicir, revisar o historial médico do/a paciente.

2º Exploración Física:

   ●  Valoración co/a paciente de pé

   ●  Exploración da mobilidade e a marcha

   ●  Palpación de pulsos arteriais, que debe ser constante xunto coa medición da presión arterial, e buscar datos de complicacións ou neuropatía.

   ●  Ecografía doppler

Probas complementarias:

Ultrasonografía doppler: Combina a ecografía (que nos permite ver a anatomía do sistema venoso), co doppler (que nos dá información da velocidade e dirección do fluxo).

Plestimografía: Mide o volume basal de sangue venosa nos membros inferiores.